Dean's Welcome

Nau mai, haere mai ki te paetukutuku o

TE KURA RONGOĀ KI ŌTEPOTI

I te tau 1887, i whakapōtaehia te tauira tuatahi ki te tohu paetahi rongoā i Te Whare Wānanga o Otago. Nā tērā, ka kaha haere te panekiretanga o te mātauranga rongoā me te mahi rangahau. Me te aha, nā aua mahi i nui ai te mana o te Kura Rongoā i te Whare Wānanga o Otago puta noa i te ao.

E pīkau ana i Te Kura Rongoā ki Ōtepoti i te mana ko ia te kura rongoā tuatahi i whakatū ai i Aotearoa. He mea tino whakahirahira tēnei. Ko tō mātou tūmanako, mā ngā kōrero i roto i tēnei paetukutuku e taea ai e koutou te kite kei te pupurihia tonutia taua tohungatanga.

Kei te whakaako nga kaiako i ngā marautanga rongoā mai i te tau tuarua tae noa ki te tau tuaono o te tohu paetahi, ā, kei te whakaako hoki mātou i ngā kaupapa ahurei o te tohu paerunga: ko te orangatūmatanui, ko te ratonga rata, ko te rongoāhākinakina, ko te hauora tamariki,  ko hapūtanga me te whakawhānautanga, ko te pānga aroaro-kōpu wāhine. Ka whai wāhi hoki hei kaiwhakaako i roto i te whakangungu rata i ngā kaupapa ahurei o te tohu paerunga, ka mutu, ka tū hei kaitohutohu i nga ākonga ki te tohu paerua me te tohu kairangi e tokomaha haere ana.

Keo konā hoki te mahi a te rangahau auaha i ngā tari katoa, pēnei i Dunedin Multidisciplinary Health and Development Research Unit, i te Injury Prevention Research Unit, i te Cancer Pathology group, i te Edgar National Diabetes Research Centre, i te Renal Research group e mōhiotia nei hei toa i te ao i ā rātou ake mahi.

Ko tēnei te pōwhiri ki a koe ki te āta titiro ki ngā kōrero o te paetukutuku, ā, ka kite i ngā mea reka o ngā mahi rangahau, o ngā mahi whakaako hoki, māu

Mehemea kei te pīrangi koe i ngā kōrero i tua atu i ēnei, kaua e whakamā ki te whakapā mai.

Noho ora mai

Nā Dr John Adams
Te Kaihautū o te Kura Rongoā ki Ōtepoti